"საქართველოს უკვდავი ჯარის" ძირითადი გეგმები 2022 წელს » DidiSamamulo.Ge - დიდი სამამულო

საქართველოს უკვდავი ჯარი - დიდება გმირებს!

 
  მთავარი გვერდი | პროექტის შესახებ | გამოგვიგზავნეთ ინფორმაცია თქვენს წინაპარზე | საკონტაქტო ინფორმაცია
 
 
 
პორტალის საძიებო ველი
დროშაზე დაჭერით აირჩიეთ ძიების ენა

  პორტალის მთავარი მენიუ
მთავარი მოვლენები 53
დიდი სამამულოს ცნობარი 83
ხსოვნა დიდ სამამულოზე 11
ჩემი მამაცი წინაპარი 6
საქართველოს ისტორიიდან 6
 

 

ჩვენი ფეისბუქ გვერდი

 
   ეწვიეთ ჩვენს ფეისბუქ გვერდს  

 

სიახლეების კალენდარი

 
 
 
«    აგვისტო 2022    »
ორსმოთხთპრშბკვ
1234567
891011121314
15161718192021
22232425262728
293031 
 
 

 
 
 ალფავიტით საძიებელი - აირჩიეთ ნებისმიერი ასო/ბგერა და გადადით შესაბამის გვერდზე, ან ისარგებლეთ საძიებო ველით

 
 

"საქართველოს უკვდავი ჯარის" ძირითადი გეგმები 2022 წელს

 

 

   
 
მიმდინარე, 2022 წელს, გაგრძელდება საზოგადოებრივი ორგანიზაციის - "საქართველოს უკვდავი ჯარი" აქტიური მოღვაწეობა. დასახულია კონკრეტული ღონისძიებები. განსაკუთრებული აღნიშვნის ღირსია ფაქტი, რომ ჩვენი ორგანიზაციის კარი ღიაა ყველა მოქალაქისათვის, ვისთვისაც უცნობია თავისი ფრონტელი წინაპრის ბედი და აინტერესებს რუსეთის თავდაცვის სამინისტროს არქივების საშუალებით მათზე ინფორმაციის მოძიება ან ნებისმიერი სხვა საკითხი, დაკავშირებული მეორე მსოფლიო და დიდ სამამულო ომთან. დაწვრილებით:

- უფრო აქტიურად შეივსება ვებგვერდის, "დიდი სამამულო" ომის ცნობარი. სამწუხაროდ, ანტიქართული ძალები ყველანაირად აბრკოლებენ ვებგვერდის მასალების გავრცელებას უცხოურ სოციალურ ქსელებში, მაგრამ გამოსავალი ყოველთვის მოიძებნება და მკითხველი არ დარჩება ჩვენი ინფორმაციის გარეშე;
- უკვე იწერება და მჭიდრო ვადებში გამოიცემა დამხმარე სახელმძღვანელო-ცნობარი დიდი სამამულო ომის შესახებ. ეს არის უნიკალური პროექტი, რომლის მსგავსი საქართველოში, სულ მცირე, ბოლო 30-35 წლის მანძილზე, არ განხორციელებულა;
- "საქართველოს უკვდავი ჯარი" გააგრძელებს ბრძოლას თბილისის ვაკის პარკში უცნობი ჯარისკაცის საფლავ-მონუმენტის სტატუსის შესანარჩუნებლად, როგორც ფაშიზმთან ბრძოლის უკვდავი ძეგლისა, რომლის გადარქმევა და დატვირთვის შეცვლა, ფსევდოჰეროიკული დემაგოგიით, დაუშვებელია. ორგანიზაცია შეეცდება, კონტაქტი დაამყაროს ქალაქის მერიასთან და რესპუბლიკის მთავრობასთან, მოხდება საზოგადოების ინფორმირება და მობილიზება;
- შეძლებისდაგვარად, განვაგრძობთ დიდი სამამულო ომის მონუმენტების, შინმოუსვლელთა ძეგლებისა და საძმო სამხედრო სასაფლაოების მოვლა-პატრონობასა და რესტავრაციას საქართველოს მთელ ტერიტორიაზე;
- მოვაწყობთ შეხვედრებსა და სემინარებს ყველა დაინტერესებული პირისათვის;
- განსაკუთრებით განვაგრძობთ მსურველთა დახმარებას, ვისაც ჰყავდა მეორე მსოფლიო ომში და (ან) დიდ სამამულო ომში მონაწილე წინაპარი და მის შესახებ ძირითადი ან დამატებითი ცნობები სჭირდება. რუსეთის ფედერაციის დიპლომატიური წარმომადგენლობის დახმარებით, ყველა ასეთ სურვილს გადავცემთ რუსეთის ფედერაციის თავდაცვის სამინისტროს შესაბამის საარქივო სტრუქტურებს. ასეთი დახმარება ჩვენ უკვე ორ ათეულ ქართულ ოჯახს აღმოვუჩინეთ;
- სამწუხაროდ, ომის ვეტერანთა რიგები სულ უფრო და უფრო თხელდება. ვირუსის პანდემიამ კი, მათთან კონტაქტის ისედაც მწირე შესაძლებლობები კიდევ უფრო შეზღუდა. მიუხედავად ამისა, შევეცდებით, პარტნიორ ორგანიზაციებთან ერთად, ჩვენი წვლილი შევიტანოთ ცოცხალი ვეტერანებისთვის კარგი განწყობის შექმნაში.

ა.ი.პ. "საქართველოს უკვდავი ჯარი", ს/ნ 402043720
ზემოთ ჩამოთვლილ ნებისმიერ საინტერესო საკითხთან დაკავშირებით მოგვმართეთ: politforumi@gmail.com ან შეავსეთ სწრაფი კონტაქტის ფორმა შემდეგ ბმულზე: https://www.didisamamulo.ge/form/view.php?id=10725


   
 
   
 

კატეგორია: მთავარი მოვლენები l გამოქვეყნების თარიღი: 29-01-2022, 00:42

[ უკან დაბრუნება ]

   
 
   
 
  ამოსაბეჭდი ვერსია
   
 
   

 
მთავარი გვერდი | პროექტის შესახებ | გამოგვიგზავნეთ ინფორმაცია თქვენს წინაპარზე | ყველა სიახლე | საკონტაქტო ინფორმაცია
 
                                               
 
საავტორო უფლებები დაცულია © 2020 DidiSamamulo.Ge