ევრაზიის ინსტიტუტი და პროექტი „საქართველოს უკვდავი ჯარი“ წარმოგიდგენთ რვა წლის დავით ხიმშიაშვილს, რომელმაც არაერთი პატრიოტული ლექსი იცის ზეპირად. ეს ლექსი მან დიდ სამამულო ომში გამარჯვების 78-ე წლისთავზე, თბილისში, ევრაზიის ინსტიტუტის მიერ ორგანიზებულ აქციაზე წარმოსთქვა, ომის გმირების ხსოვნის საპატივსაცემოდ!  იხილეთ ვიდეოზე:  

უამრავი ქართველი შეეწირა მართალ საქმეს - ფაშიზმთან ომს. საქართველოს მიერ დიდ სამამულო ომში გაგზავნილი და ამ ომში დაღუპული მებრძოლებიდან უმეტესი ნაწილი ყირიმში წარმოებული ბრძოლების შედეგად დაეცა. ქართველები მამაცურად იბრძოდნენ ქერჩში, სევასტოპოლის დაცვისა და მისი გათავისუფლების დროს.

როგორც ვიუწყებოდით, ევრაზიის ინსტიტუტმა (მოძრაობა "საქართველოს უკვდავი ჯარის" ინიციატორი ორგანიზაცია) 9 მაისს ჩაატარა საზეიმო ღონისძიებები, პატივი მიაგო რა ფაშიზმთან ომში დაღუპულ გმირებს. დედაქალაქის გარდა, ასეთი ღონისძიებები, თუნდაც უფრო მცირე მასშტაბით, რეგიონებშიც ჩატარდა. გთავაზობთ ფოტოკოლაჟს რამდენიმე ადგილიდან.

არასამთავრობო ორგანიზაცია „ევრაზიის ინსტიტუტის“ ინიციატივით, 9 მაისს, თბილისსა და კიდევ რამდენიმე ქალაქში – ბათუმში, ქარელსა და თელავში, გაიმართა გამარჯვების დღესთან დაკავშირებული სამახსოვრო ღონისძიებები. ინიციატივას მხარი დაუჭირეს არა მხოლოდ 2009 წელს დაარსებული ევრაზიის ინსტიტუტის აქტივისტებმა, არამედ თანამოაზრეებმა სხვა ორგანიზაციებიდან, როგორც მაგალითად, ტარას გაგნიძემ (ფონდი „ისტორიული მემკვიდრეობა“), ვიქტორ ცაავამ (პოლიტკური პარტია „ევროპელი სოციალისტები“), გიორგი ირემაძემ („პატრიოტი ტვ“) და სხვ.

საბჭოთა კავშირის გმირის, ფრონტზე ოთხი ძმის  გამგზავნი ოჯახის წარმომადგენლის, კონსტანტინე ლესელიძის ბიუსტთან, თბილისის ცენტრში, გამარჯვების დღეს, „საქართველოს უკვდავი ჯარის“ აქტივისტებმა და მხარდამჭერებმა ყვავილები მიიტანეს. 

9 მაისი ქარელში, შეძლებისდაგვარად, საზეიმოდ აღინიშნა. საზეიმო განწყობას აძლიერებდა ის ფაქტი, რომ ენთუზიასტმა ქართველებმა, რომელთათვის ძვირფასია ფაშიზმთან მებრძოლთა ხსოვნა, ქალაქში მდგომი დიდი სამამულო ომის მემორიალი შეაკეთეს, რომელიც ათწლეულების განმავლობაში მოუვლელი და დაზიანებული იყო.

დღეს გორში მსვლელობა მოეწყო. მოძრაობა ,,ერთად ძლიერი საქართველოსთვის'' წევრებმა ვეტერანებს 9 მაისი მიულოცეს.ფაშიზმზე გამარჯვებიდან 76-ე წლისთავზე, ორგანიზაციის ხელმძღვანელმა, გიორგი კანდელაკმა და მისი თანამებრძოლებმა მსვლელობა ჩაატარეს.

ვებგვერდი „დიდი სამამულო“ და ორგანიზაცია „საქართველოს უკვდავი ჯარი“ შეძლებისდაგვარად იღვწის იმ ძეგლების გადასარჩენად, რომლებიც საქართველოში 1941-1945 წლების დიდი სამამულო ომისა და ამ ომში მონაწილე ყველა ადამიანის ხსოვნას ეძღვნება. საქართველოში, საბჭოთა პერიოდში, უამრავ ადგილას იქნა აგებული შინმოუსვლელთა მემორიალები, რომლებიც მოვლა-პატრონობას საჭიროებს.